Kanë dalë detaje të reja nga hetimet për aksidentin fatal me 4 viktima që ndodhi një ditë më parë në Fushë Prezë.

Sipas ekspertëve dyshohet se automjeti i viktimave po lëvizte me mbi 170 kilometra në orë në momentin e përplasjes me betonieren.

Ky është një përfundim paraprak i hetuesve, të cilët janë në pritje të përfundimit të ekspertizës për të përcaktuar shpejtësinë ekzakte.

Sa i takon betonieres, burime pranë policisë i thanë Tv Klan se shoferi i saj, 24-vjeçari Aleksandër Krrashi ka deklaruar se kishte ndalur mjetin pasi i kishte mbaruar karburanti.

I riu tashmë i arrestuar është shprehur se kishte shkuar të merrte naftë në një pikë karburanti pranë vendngjarjes dhe se kishte harruar të ndizte bllokazhin që sinjalizon ndalimi e mjetit.