Vrau gruan e pronarit në Shkodër me porosi të tij, Gjykata Kushtetuese hedh poshtë pretendimet e të dënuarit përjetë. Më 18 prill të vitit 2016, Fatjon Karmeshta, baba i 4 fëmijëve, punëtor në mobileri, mbyti me duar Suela Sulën në tualetin e mobilerisë së çiftit në Bushat të Shkodrës.

Gjykata Kushtetuese ka vendosur të lërë të pandryshuar dënimin me burgim të përjetshëm ndaj Fatjon Karmeshtnës, i shpallur fajtor për vrasjen e Suela Sulës në Melgushë të Shkodrës, në prill të vitit 2016.

Ky vendim vjen pas një ankimi të bërë nga i dënuari, i cili kërkoi shfuqizimin e tre vendimeve gjyqësore që kishin vërtetuar dënimin e tij.

Ai është dënuar në të tri shkallët e gjyqësorit për vrasjen e bashkëshortes së Sadetin Sulës, pronar i mobilerisë ku Karmeshtna punonte, dhe gjithashtu për rolin e tij në kryerjen e krimit me urdhër të Sadetin Sulës.

Krimi i rëndë ndodhi më 18 prill 2016, kur Fatjon Karmeshtna mbyti me duar Suela Sulën, në tualetin e mobilerisë që ajo dhe bashkëshorti i saj, Sadetin Sula, kishin.

Hetimet kanë treguar se vrasja është kryer me porosi nga Sadetin Sula, i cili kishte frikë se gruaja e tij mund të ndahej dhe të merrte një pjesë të pasurisë.

Sipas provave, mes të dënuarit dhe Sadetin Sulës u regjistrua një bisedë në telefon, ku ata diskutonin për vrasjen dhe dyshimet që kishte Sula Sula për tradhtinë e bashkëshortes. Ky material është përdorur si provë e rëndësishme në gjyq.

Karmeshtna kishte kërkuar shfuqizimin e dënimit me pretendimin se gjykatat e mëparshme nuk kishin kryer një hetim të plotë dhe të gjithanshëm dhe se kishin injoruar disa prova që ai kishte kërkuar. Gjithashtu, ai ka pretenduar se vendimet e gjykatave ishin bazuar në prova të paqena dhe të papërpunuara sipas ligjit.

Megjithatë, në shqyrtimin paraprak të ankimit, një kolegj prej tre anëtarësh të Gjykatës Kushtetuese ka konstatuar se pretendimet e Karmeshtnës për cenimin e të drejtave të tij kushtetuese ishin të pabazuara.

Suela Sula, Sadetin Sula

Vrasja e Suela Sulës kishte tronditur opinionin publik dhe ka tërhequr vëmendjen përsa i përket aspekteve të drejtësisë dhe hetimeve. Pas hetimeve, që fillimisht kishin përqendruar dyshimet te Sadetin Sula, u zbulua se ai ishte organizatori i krimit dhe që kishte porositur vrasjen e bashkëshortes së tij. Në vitin 2018, Fatjon Karmeshtna u arrestua, rreth dy vjet pas ngjarjes, kur trupin e pajetë të Suela Sulës e gjeti një punonjës i mobilerisë.

Pas vendimit të Gjykatës Kushtetuese, dënimi me burgim të përjetshëm për Fatjon Karmeshtnën mbetet në fuqi, duke i dhënë fund një procesi të gjatë gjyqësor. /noa.al