Një i ri nga Vlora arriti t’i shpëtojë ndjekjes policore në Shqipëri dje jashtë saj për dy vjet, por këtë të mërkurë 31 janar ai ra në pranga.

Diego Haxhiraj, 38 vjeç që mbante dhe emrin Teki Hanaj, është i riu vlonjat që u arrestua në Bruksel pas një bashkëpunimi shqiptaro-belg, raporton noa.al.

I arrestuari akuzohet se në vitin 2022, bashkë me një person tjetër, tentoi të vriste 2 oficerë policie, të cilët në momentin e ngjarjes ishin jashtë shërbimit.

Për t’iu shmangur arrestimit, 38 vjeçari kishte ndërruar edhe emrin nga Diego Haxhira, në Teki Hanaj.

Kapja e vlonjatit në kërkim erdhi pas informacioneve të siguruara nga inteligjenca informative e Policisë së Shtetit dhe i shkëmbimit të informacionit në kohë reale, me homologët belgë, ku është finalizuar operacioni policor i përbashkët, i koduar “Capital”.

38-vjeçari akuzohet se në vitin 2022, në bashkëpunim me një shtetas tjetër, ka tentuar të vrasë me armë zjarri 2 shtetas (punonjës policie, jashtë shërbimit). Në momentin e ndalimit nga Policia belge, ky shtetas është prezantuar me një identitet tjetër.

Bëhet fjalë për ngjarjen e ndodhur në lagjen “Partizani”, në Vlorë ku një shtetas qëlloi me armë zjarri nga një automjet tip “Volkswagen”, në drejtim të një automjeti “Audi”, më të cilin udhëtonin 2 punonjës policie, jashtë shërbimit.

Atëherë forcat policore lokale thanë se bënë identifikimin dhe shpalljen në kërkim të autorit të dyshuar të ngjarjes Diego Haxhiraj alias Teki Haxhiraj alias Diego Hanaj, banues në Vlorë.

Ky shtetas, rreth orës 19:40 të mbrëmjes së datës 2 shtator 2022, duke drejtuar automjetin tip “Volkswagen”, dyshohet se për motive të dobëta, ka qëlluar me armë zjarri në drejtim të automjetit tip “Audi”, me të cilin udhëtonin Angjelo Bezhani, 25 vjeç, me detyrë punonjës i Patrullës së Përgjithshme në Komisariatin e Policisë Vlorë dhe Narko Mehmetaj, 27 vjeç, me detyrë punonjës i Policisë Kufitare Sarandë, të cilët nuk kanë pësuar dëmtime.

Diego u përball me akuzat për veprat penale “Vrasja në rrethana të tjera cilësuese”, kundër dy ose më shumë personave, mbetur në tentativë dhe “Mbajtja pa leje e armëve dhe e municionit luftarak”.

Në atë ngjarje, dy policët kishin parakaluar mjetin e Diegos. Ky i fundit nuk e ka ditur që ishin efektivë, por ka dyshuar se mund të jenë persona që donin ta ekzekutonin. Ai ka nxjerrë armën dhe ka qëlluar mbi makinën e policëve, një mjet privat.

Angjelo Breshani, polic patrulle në Vlorë dhe Nako Mehmetaj efektiv kufitar në Sarandë, po udhëtonin me makinën private me xhama të zinj.

Hetuesit bënë të mundur identifikimin e të dyshuarit pasi sekuestruan mjetin tip “Volksvvagen”, që u gjet i braktisur në afërsi të vendit të ngjarjes.

Më herët, më 5 janar 2022, Diego Haxhiraj ishte plagosur në dorë pasi disa persona e qëlluan me automatik kallashnikov teksa i riu ndodhej poshtë banesës së tij në lagjen "Pavarësia". Më pas makina e atentatorëve u gjet e djegur në fshatin Trevllazën.

Arrestimi

Si rezultat i informacioneve të siguruara nga inteligjenca informative e Policisë shqiptare dhe i shkëmbimit të këtyre informacioneve në kohë të shpejtë nga Interpol Tirana dhe FAST Albania, me homologët belgë, për vendndodhjen e një shtetasi shqiptar të shpallur në kërkim ndërkombëtar, që fshihej në Belgjikë, është finalizuar operacioni policor i koduar “Capital”.

Gjatë këtij operacioni, bazuar në informacionet e shkëmbyera, FAST Belgjika ka kapur në qytetin e Belgjikës dhe ka arrestuar me qëllim ekstradimin në Shqipëri, shtetasin shqiptar të shpallur në kërkim ndërkombëtar Diego Haxhiraj alias Teki Hanaj, 38 vjeç, banues në Vlorë.

Në momentin e ndalimit nga Policia belge, ky shtetas është prezantuar me një identitet tjetër.

Gjatë kontrollit fizik, shërbimet e Policisë i kanë gjetur atij, një armë të ftohtë (thikë).

I riu ishte shpallur në kërkim ndërkombëtar nga Interpol Tirana, pasi Gjykata e Rrethit Gjyqësor Vlorë, me vendimin e datës 01.10.2022, i ka caktuar masën e sigurisë “Arrest në burg”, për veprat penale “Vrasja në rrethana cilësuese”, mbetur në tentativë, kryer në bashkëpunim, dhe “Prodhimi dhe mbajtja pa leje e armëve, armëve luftarake dhe municionit.

Interpol Tirana, në bashkëpunim me Interpol Brukselin, vijon procedurat për ekstradimin e këtij shtetasi, në Shqipëri.