Emigranti 53-vjeçar shqiptar, menjëherë pas krimit, u hodh nga ballkoni i katit të dytë dhe dha shpirt gjatë transportit për në spital në Selanik

SELANIK – E mbuluar me gjak në ballkonin e apartamentit të saj (në foto) në Selanik u pa 44-vjeçarja që ra viktimë e tërbimit të bashkëshortit të saj, pak para se ai ta rrëmbente përsëri dhe ta vriste përfundimisht.

Vrasja e 44 vjeçares ndodhi mëngjesin e së mërkurës në një pallat në Sindos, ku autori sulmoi gruan e tij me thikë duke i shkaktuar plagë të shumta në bark, raporton noa.al duke cituar median lokale TyposThes.

Detajet e reja janë rrënqethëse: Viktima kishte dalë në ballkon, e plagosur, me gjakun që rridhte nga goditjet e bashkëshortit të saj, para se ai të arrinte ta tërhiqte përsëri brenda shtëpisë dhe t’i jepte goditjen përfundimtare.

Autori vrau veten

Menjëherë pas krimit, 53-vjeçari vendosi t’i japë fund jetës së tij dhe u hodh nga ballkoni i katit të dytë të pallatit ku banonte me gruan e tij dhe dy vajzat e tyre, 21 dhe 16 vjeçe.

Burri u lëndua rëndë nga rënia dhe u transportua në spitalin "Papageorgiou", ku u konfirmua vdekja e tij.

Për këtë krim të tmerrshëm që përfundoi me vetëvrasjen e autorit, Policia u njoftua nga fqinjët që ishin dëshmitarë të skenës tronditëse.

"Nuk e dimë saktësisht çfarë ndodhi. Në përgjithësi nuk grindeshin, nuk kishin dhënë asnjëherë shenja problemesh. Dhe fqinjët tani më thanë se nuk dëgjuan asnjë zhurmë sot. Të dy ishin mirë. Nuk e di se çfarë mund të ketë ndodhur në mendjen e tij. Vajza më e vogël ishte në shkollë," – deklaroi vëllai i gruas së vrarë në Mega.

Çfarë ndodhi në Selanik – Skena horrori teksa 44-vjeçarja tenton të shpëtojë nga burri i saj, por ai e vret para se të hidhet nga ballkoni

Një krim makabër ka tronditur mëngjesin e së mërkurës 12 mars Selanikun, ku një 53-vjeçar vrau gruan e tij 44-vjeçare, përpara se të vetëhidhej nga ballkoni i katit të dytë, duke ndërruar jetë gjatë transportit në spital.

Ngjarja ndodhi në një pallat në Sindos, ku burri e sulmoi me thikë bashkëshorten e tij, duke i shkaktuar plagë të rënda në bark.

Menjëherë pas krimit, 53-vjeçari vendosi të vetëvritej, duke u hedhur nga ballkoni i apartamentit ku jetonin bashkë me dy vajzat e tyre, 21 dhe 16 vjeç. Ai u transportua në spitalin "Papageorgiou", ku u konfirmua vdekja e tij.

Sipas dëshmive të fqinjëve, çifti nuk kishte shfaqur më parë probleme apo debate të hapura, ndërsa asnjë zhurmë apo britmë nuk u dëgjua para tragjedisë.

Policia po vijon hetimet për të zbuluar shkaqet që çuan në këtë krim të dyfishtë tronditës.