Dy turq kanë rënë në pranga të policisë kufitare, në aeroportin e Rinasit, pasi kanë tentuar të futen në tokën shqiptare me letra false. Të arrestuarit janë: 65-vjeçari Recep Cahit Dogan dhe 33-vjeçarja Ozden Gur.

Kur janë futur në kabinat e regjistrimit, nga ana e policëve është dyshuar se pasaporta e 33-vjeçares është e falsifikuar. Pas është futur në laborator ka rezultuar se pasaporta ishte lëshuar në emër të 33-vjeçares Y.Y.

Gjatë veprimeve të para hetimore, 33-vjeçarja turke ka deklaruar se me 65-vjeçarin Recep Cahit Dogan kanë lidhje shoqërore dhe miqësore. Ajo ka deklaruar se kishte dijeni për pasaportën e falsifikuar dhe se është pajisur në qytetin e Stambollit, te një shtetase turke të cilën e identifikon vetëm me emrin S.

Ozden Gur ka thënë se gruan e ka njohur kur ka vuajtur vetë dënimin me burg, në vitin 2010 për "Vjedhje" dhe "Plagosje". 33-vjeçarja ka thënë se dokumentin e ka blerë për shumën prej 3000 dollarë amerikan.

Nga ana tjetër 65-vjeçari Recep Cahit Dogan ka thënë se, e ka ndihmuar gruan për të udhëtuar në drejtim të Shqipërisë dhe se kostot e udhëtimit do i mbulonte ai./f.g/noa.al/