Magazinë
Transmetuar më 07-12-2024, 14:31

Lideri i opozitës, Sali Berisha, në bashkëbisedimin e tij me qytetarët nëpërmjet rrjeteve sociale, u ndal dhe te patronazhistët, duke i shpallur ata kriminelë elektoralë.

Ai u shpreh se çdo patronazhist do të gjykohej me rreptësinë më të madhe për atë që siç e quajti ai, veprimtarinë e tyre kriminale elektorale.

“Deklaroj me përgjegjësi të plotë para jush, se çdo patronazhist e shpall kriminel elektoral, terrorist elektoral dhe do të gjykohen me rreptësinë më të madhe për veprimtarinë e tyre kriminale elektorale.

Parmbrëmë, Zëri Amerikës informoi shqiptarët dhe botën se, në Shqipëri 20% e qytetarëve kanë votuar nën terrorin e patronazhistëve. I kanë rrëfyer Zërit të Amerikës se janë terrorizuar, janë frikësuar nga patronazhistët dhe kanë votuar me kërkesën e tyre.

I siguroj se do mjerohen me ndërhyrjet e tyre, krimin e tyre elektoral. Mos të harrojmë se rryma, stina është kundër këtij regjimi. Është për opozitën, radha e opozitës.

Ndaj edhe të mendohen 3 herë para se të bëjnë hapin e parë”, u shpreh Berisha.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit