Transmetuar më 22-02-2024, 07:00

Lexoni horoskopin e ditës nga Paolo Fox për të zbuluar se çfarë kanë rezervuar yjet për ju: parashikimet astrologjike për të enjten 22 shkurt 2024 për secilën shenjë të zodiakut, përkthyer nga noa.al. Gjithçka për dashurinë, punën, mirëqenien dhe fatin.

Dashi

Këto ditë të shkurtit janë shumë të rëndësishme: E kam thënë disa herë se në fund të muajit do të duhet të punojmë, por më së shumti për projekte që do të kenë ndikim nga qershori e në vazhdim. Pra, shanset janë që po bëni plane për të ardhmen e afërt. Pavarësisht kësaj, Marsi është një muaj që do të sjellë energji. Mund të shfrytëzoni mundësitë që do të shfaqen së shpejti, në sajë edhe të një personi që mund t’ju ndihmojë. Do të dëshironit të bënit diçka tjetër, por nevoja të mëson!

Demi

Këto ditë në fund të shkurtit mund të jenë pak të ndrydhura; lodhja ndihet dhe nervozizmi rritet. Ekziston edhe një farë mospërputhjeje për shkak të disa njerëzve që përpiqen të bllokojnë marrëdhëniet tuaja. Ndaj në dashuri është më mirë të tregoheni të kujdesshëm sidomos gjatë këtyre orëve. Jo të gjitha marrëdhëniet janë në krizë, por mund të ndiheni paksa të demotivuar: për më tepër, nuk dëshironi të pranoni më provokime dhe qortime nga partneri/ja juaj. Kujdesuni për situatën tuaj fizike dhe kushtojini vëmendje tendosjes së panevojshme duke e shmangur atë.

Binjakët

Të gjithë ata që kanë hapur një projekt ose janë gati ta bëjnë këtë do të kenë një pauzë deri në maj, më pas nuk do të mungojnë lajmet e mira nga qershori. Jeni në pritje të ndryshimeve që duhet t’i dëshironi më së pari vetë. Atyre që u është dashur t’i japin fund një lidhjeje, ose kanë qenë dëshmitarë të një situate të çuditshme prej disa kohësh, u mungojnë disa referenca që ishin thelbësore deri para disa kohësh. Është e qartë se duhet të përshtateni me ndryshimet e jetës. U kujtoj atyre që janë vetëm se do të ishte shumë e rëndësishme të përjetonin më shumë dashurinë duke lënë ca gjëra thjesht të rrjedhin. Është e qartë se takimet e reja funksionojnë, dhe nëse ju pëlqen një person, përpiquni gjithmonë të mendoni se dashuria është e bukur edhe kur është e paqëndrueshme. Në çdo rast, në skenar lidhjesh të reja, lëreni veten të tërhiqeni nga personi që po i aviteni ose po ju avitet. Venusi do të jetë i favorshëm deri më 11 mars.

Gaforrja

Gjithmonë ka pengesa dhe shpërqendrime të vogla për të kapërcyer: ju e dini se jeni një person veçanërisht i ndjeshëm, por kini kujdes, sepse hijet e fillimit të shkurtit, kundërshtimet që mund të kishin shkaktuar dyshime në jetën tuaj, tani janë zhdukur plotësisht. Kjo është arsyeja pse këto janë padyshim ditë më të mira. Sigurisht, herë pas here ngrini zërin ose në çdo rast nuk ngurroni të qortoni të tjerët. Por kjo frymë polemike ka qenë gjithmonë pjesë e jetës suaj. Jeni gjithmonë të gatshëm t’i vini të gjithë në rresht dhe të përpiqeni t’i drejtoni ata. E pra, kjo është një mënyrë për të fshehur pasiguritë tuaja.

Luani

Në këtë situatë astrologjike disa planetë janë në kah të kundërt, Marsi dhe Venusi në kundërshtim përfaqësojnë nevojën për të sqaruar dashurinë: kambanat bien te puna që ju merr aq shumë kohë sa nuk është e mundur të mendoni për asgjë tjetër; dhe në kuadër të punës, mos hiqni dorë nga projektet e reja që mund të zhvillohen tashmë në këtë periudhë. Nëse filloni nga një themel i mirë dhe e dini se ia vlen, mund të zhvilloni një ide dhe të arrini sukses nga qershori e tutje sepse dihet se një nisje e mbarë është gjysma e punës. Por nëse punoni për një kompani në krizë do të ishte koha për të ndryshuar. Kushtojini vëmendje shpenzimeve, me ekspozimin përballë Jupiteri flet për disa dyshime që kanë të bëjnë edhe me taksat, mosmarrëveshjet apo refuzimet që gjithsesi, duhen bërë me ndihmën e duhur.

Virgjëresha

Keni vendosur të bëni një lloj pauze për reflektim, kjo sepse stresi në fillim të muajit ishte i lartë, por rezultatet nuk munguan, kjo është e rëndësishme dhe ndër të tjera nga e shtuna hëna do të jetë në shenjën tuaj të zodiakut. Duket se ka ardhur momenti i llogaridhënies që për disa prej jush nënkupton zgjidhjen e disa çështjeve të punës dhe jo vetëm kaq, por edhe të çështjeve familjare. Në një situatë kaq të rëndësishme astrologjike nuk do të jetë e vështirë të filloni të mendoni jo vetëm për të nxjerrë në pah veten, por edhe për vlerësimin e projekteve për të ardhmen e afërt. Unë parashikoj që nga e premtja kundërshtimi i Mërkurit do të çojë vetëm në disa shpenzime të tepërta. Personat e vetëpunësuar ose ata që nxjerrin muajin me komisionim duhet të kishin fituar diçka më shumë në fillim të muajit, por shpenzimet janë ende shumë.

Peshorja

Është një pjesë e dytë e rëndësishme e javës; ndër të tjera, kjo periudhë do të jetë në gjendje të kufizojë rreziqet e fillimit të muajit. Shumë nga ju Peshore do të jeni në gjendje të pajtoheni me gjithçka ka ndodhur së fundmi, shkurtimet që kanë ndodhur, vështirësitë në lidhje me një punë që vazhdon prej disa kohësh apo edhe me një bllokim thuajse të pashpjegueshëm. Duket sikur disa njerëz janë kundër jush dhe ju duhet të notoni vazhdimisht kundër rrymës. Nëse duhet t’i jepni para një personi mund të ketë një vonesë dhe kjo vlen edhe në anën tjetër, nëse dikush ju ka borxh para. Afërdita mund të sjellë përmirësim në lidhjet e dashurisë për sa kohë nuk ka pasur një mosmarrëveshje serioze. Pra, nëse keni nevojë të rikuperoni një dashuri, mund të hidhni sytë përreth. Përqendrohuni në fundjavë.

Akrepi

Të gjitha ndryshimet që kanë ndodhur javët e fundit duhet të asimilohen në një farë mënyre: kjo është një periudhë në të cilën nuk është e lehtë të ruash qetësinë. Mba mend që në thelb je një person mjaft i vendosur, ndonjëherë me të drejtë intolerant; Edhe nëse ndjeshmëria ndryshon në varësi të njerëzve me të cilët shoqëroheni, ekziston dikush që mund t’ju bëjë të humbni durimin vetëm duke hapur gojën. Nëse ka pasur një keqkuptim, një akuzë, një problem, ndoshta do të ishte më mirë të mendoni me qetësi. Është një moment kur gjërat mund të dalin jashtë kontrollit dhe ju të veproni më shumë instinktivisht sesa racionalisht.

Shigjetari

Kjo është një periudhë e rëndësishme, dita e sotme funksionon më mirë nga pasditja. Rreziku i vetëm është marrja e disa nismave në mënyrë të përshpejtuar: jini të kujdesshëm sepse ajo që tani duket si pikë referimi për të ardhmen mund të mos jetë më e tillë pas disa ditësh. Në çdo rast, të gjitha iniciativat që nisin në këtë periudhë sjellin energji: të vetmit të pakënaqur janë ata që nuk mund të ndryshojnë sepse kanë pranuar barra të rënda ose sepse kanë rreth tyre njerëz që të imponojnë një mënyrë jetese që nuk e ke më. Instinktet do t’ju çojnë larg duke ju sjellë emocione të vazhdueshme.

Bricjapi

Ndonjëherë ngurtësia e mendimeve imponon tensione dhe kufizime edhe për veten, në mënyrën tuaj të të bërit të gjërave. Duke qenë se prezantoni një imazh të përgjegjshëm për veten, nuk mund të shfaqeni duke u dorëzuar, duhet ta ruani rolin që keni. Por më duhet të them që këto ditë, të rregullosh jetën është më e nevojshme se kurrë, sepse po i afrohemi një periudhe fuqie dhe vetëdijeje të madhe, një kohe për rikuperim. Është e qartë se ata që kanë shumë përgjegjësi do të duhet të organizohen sa më mirë që të munden. Në dashuri nuk është rastësi nëse rreth jush ka njerëz që janë pak të brishtë sepse thellë në vetvete ju pëlqen të ndihmoni ata që kanë nevojë. Në sytë e të tjerëve dukeni i pathyeshëm. Por kjo nuk ju pëlqen, sepse në kohë nevoje janë të paktë ata që e kuptojnë nevojën tuaj reale dhe ju ndihmojnë, paçka faktit që duhet shtuar se nuk kërkoni kurrë asgjë.

Ujori

Ajo që ju përshtatej më parë mund të mos ju shkojë për shtat tani. Kjo periudhë e ndryshimeve pak a shumë të vazhdueshme përfshin edhe njerëzit përreth jush. Do të dëshironit të bëni gjëra të reja, por nuk dini si të filloni. Doni të përjetoni më shumë emocione por nuk u besoni disave. Ka të ngjarë që të ketë një kombinim të disa faktorëve të jashtëm që kanë të bëjnë me punën dhe paratë, kështu që nuk jeni plotësisht të qetë. Ju që e doni ndryshimin mund ta gjeni veten duke bërë të njëjtat gjëra që bëtë vitin e kaluar, por disa gjëra janë të thjeshta: nuk nundet që të tjera të thuash e të tjera të bësh. Në këtë kohë duhet të keni kujdes edhe për marrëdhëniet e dashurisë, veçanërisht nëse mendoni se një person nuk është plotësisht bashkëpunues me ju.

Peshqit

Ja një fund interesant i muajit për shenjën tuaj që këtë të premte takohet me Merkurin. Nëse një situatë tani është e arkivuar, pra e lënë mëmjanë, e harruar, mos e mendoni më. Ka nga ata që të akuzojnë se e ke mendjen diku tjetër ose se nuk ke qenë plotësisht i sinqertë në të kaluarën; por nëse keni fshehur diçka, e keni bërë vetëm që të mos shqetësoni ata përreth jush. Mirë gjërat për ata që punojnë vetë, për sipërmarrësit, sepse periudha nga tani deri në maj sjell kënaqësi. Në fundjavë përpiquni të shmangni takime që mund të bëhen të bezdisshme. Mund të keni në mendje një projekt që do të konsolidohet së shpejti dhe gjithashtu mund të çojë në ekspozim më të madh në fillim të vitit të ardhshëm. Do të konsolidoni pozicionin tuaj, fitoret e vogla apo të mëdha (edhe në çështjet ligjore) dhe mund të gjeni konsensusin në rrugë e sipër.

/noa.al

Foto: Getty Images

Bashkohu me kanalin e NOA WhatsApp për lajmet më të fundit direkt në celularin tënd