TIRANË- Janë zbardhur disa nga diskutimet brenda mbledhjes së Kryesisë së PD-së, të zhvilluar pasditen e sotme. Sipas raportimeve, Edit Harxhi ka patur përplasje me kreun e grupit parlamentar të PD-së, Gazment Bardhin.

Ajo ka kritikuar listën e drejtuesve politikë të qarqeve, duke thënë se është turp që nuk ka të paktën një qark me një drejtuese grua.

Diskutimi:

Edit Harxhi: Është për të ardhur turp, që gjithë kjo parti nuk ka një zonjë për të drejtuar një qark. Jemi kthyer në parti burrash, jemi bërë për turp.

Edit Harxhi- Bardhit: Përse nuk keni bërë asnjë lëvizje apo aksion si grup parlamentar për lirimin e liderit të Partisë Demokratike? Nuk mund të mjaftohemi me dy letra kancelarive. Duhet një aksion, lideri i partisë po mbahet politikisht në arrest shtëpie.