Rëndohet bilanci i të lënduarve nga përplasja mes punonjësve të policisë dhe banorëve protestues të Unazës së Re, të cilët kërkojnë dëmshpërblim për prishjen e objekteve që preken nga projekti i Unazës së Madhe.

Zyrtarisht Policia e Shtetit bën me dije se janë 12 efektivët e policisë të plagosur, ku dy prej tyre paraqiten në gjendje të rëndë.

Konfirmohet se një efektiveje policie i janë prerë gishtat e dorës, për shkak të hedhjes së kapsollave nga protestuesit. Sakaq një tjetër polic ka humbur dëgjimin.

Ndërkohë të lënduar nga përplasja e sotme kanë mbetur edhe disa protestues, të cilët janë dërguar për mjekim në spital.

Lidhur me të lënduarit mes qytetarëve nuk ka ende një numër të saktë të tyre.

Të plagosurit janë lënduar me mjete të forta dhe piroteknike, hedhur nga tubuesit mbi punonjësit e policisë, por edhe nga kundërshtia e efektivëve.

Në videot më poshtë, mund të shihni pamje nga përplasja mes tyre.

Duke reaguar ndaj ngjarjes Kryeministri Edi Rama kërkoi që banorët të distancohen dhe të pranojnë vetëm çfarë ju jep ligji.

“Dhuna ndaj policëve në emër të paligjshmërisë, s’do tolerohet! U bëj thirrje atyre që kanë dokumenta prone a vetëm strehën pa leje: Distancohuni nga zaptuesit profesionistë dhe profesionistët e politikës qorre të shpifjeve e të rrëmujës! Merrni ç’ju jep ligji e largohuni nga rruga”, deklaroi Rama. /a.y/noa.al

Dhuna ndaj policëve, Rama, banorëve: S’do tolerohet! Merrni ç’ju jep ligji dhe ikni nga rruga

Rama i prerë me banorët e Unazës së Re: Mos na dilni para! As bëhet fjalë dëmshpërblimi

Banorët e Unazës së Re, përplasen keq me policinë te Parlamenti, tym dhe shashka

Lleshaj viziton policët e plagosur: U goditën nga qytetarë të papërgjegjshëm