Një kabinë elektrike që u përfshi nga flakët dyshohet se ishte shkaku që Tirana u zhyt në errësirë.

Sonte rreth orës 19:40, tek parkingu nëntokesor në hyrje të Bulevardit të Ri, dyshohet se si pasojë e një shkëndije elektrike është djegur një kabinë elektrike.

Paraprakisht, raportohet se ka vetëm dëme materiale.

Grupi hetimor ndodhet në vendngjarje dhe po punon për sqarimin e rrethanave të rastit.

Djegia e kabinës elektrike u shoqërua me një black out të gjerë që përfshiu të gjithë zonën qendrore të Tiranës.

Për disa minuta thuajse gjithë pjesa qendrore e qytetit ishte në terr. Gradualisht nisi të rikthehet energjia në disa pjesë.

Për rreth një orë e gjysmë një pjesë e qendrës nuk kishte energji. Në orën 20.40 energjia u rikthye plotësisht. /noa.al