Gjykata e Krimeve të Rënda në një seancë maratonë, të zgjatur për afro tetë orë, ka dhënë masat e sigurisë për 34 të arrestuarit si pjesë e mega-operacionit “Vol-Vo 4”.

Gjatë saj gjykata pavendosur të lërë të lirë dhjetë nga të pandehurit.

Më konkretisht u vendos masa e sigurisë “Detyrim paraqitje” për Mimoza Ndokën, motrën e ish-deputetit socialist Arben Ndoka, si dhe për Marjeta Perskura.

Ndërkohë “Arrest shtëpie” u vendos për Lule Zenelin, Luigj Palokën, Kol Lleshin, Bledar Koçin, Vasil Nikën, Zef Ndokën, Genc Zenelin dhe Vlash Gazullin, 76-vjeçarin që humbi ndjenjat në mes të procesit, por që u rikthye sërish në sallë.

Sakaq “arrest me burg” u vendos për Jasin Kala, alias Jasin Avdyli, Shkëlqim Avdyli, Denis Llaftiu, Fatos Llaftiu, Hajri Seferi, Petro Kuçi, Ilirjan Prifti, Elton Shehaj, Armand Spiro, Astrit Balliu, alias Avdyli, Altin Avdyli, Saimir Gjepali, Gjevi Ndoka, Esat Mehmeti, Saimir Sulejmani, Orges Jahelezi, alias Artan Elezi, Elis Bahushi, Elis Guri, Artur Balla, Ardit Gjyriqi, Jasin Abdul, Zef Lazrin dhe dy ish-deputetët Arben Ndoka dhe Arben Çuko.

Ndërkohë gjatë seancës gjyqtari Bibë Ndreca i ka kërkuar falje motrës së ish-deputetit Ndoka, Mimozës, duke i thënë se nuk kishte dijeni se kishte një fëmijë disamuajsh, të cilin e ushqente me gji.

Kujtojmë se më datë 18 tetor në mëngjes u ushtrua kontroll në banesën e shtetasit Mustaf Shuti në fshatin Brenogë, Has, ku u gjetën prekursorë për prodhimin e lëndës narkotike.

U arrestuan në flagrancë pesë persona, për veprat penale “Prodhimi dhe shitja e narkotikëve”, “Trafikim i narkotikëve”, “Prodhimi dhe fabrikimi i lëndëve narkotike”, në bashkëpunim, në formën e posaçme të grupit të strukturuar kriminal dhe organizatë kriminale Vehbi Berushi, 57 vjeç, Flamur Çela, 48 vjeç, Xhevit Shuti, 48 vjeç, Mustaf Shuti, 76 vjeç dhe Anila Shuti, 42 vjeç

Gjithashtu janë shpallur në kërkim katër persona, dy shtetas turq, një kosovar dhe një shqiptar.

Në zbatim të vendimeve të Gjykatës së Shkallës së Parë të Krimeve të Rënda, janë ekzekutuar vendime penale në disa qytete, si dhe janë ushtruar rreth 100 kontrolle banesash dhe ambientesh të tjera.

Të arrestuar për veprat penale “Prodhimi dhe shitja e narkotikëve”, “Trafikim i narkotikëve”, në bashkëpunim në formën e posaçme të grupit të strukturuar kriminal dhe organizatë kriminale, si dhe pastrim i produkteve të veprës penale janë 18 persona:

Jasin Kala, alias Jasin Avdyli, me pseudonimin “Cine”, nga Shijaku; Shkëlqim Avdyli, me pseudonimin “Kiçi”, nga Shijaku; Denis Llaftiu, nga Shijaku; Fatos Llaftiu, nga Shijaku; Hajri Seferi, nga Shijaku; Petro Kuci, alias Abedin Kuçi, nga Delvina; Ilirjan Prifti, nga Fieri; Elton Shehaj, nga Tirana; Armand Spiro, nga Tirana; Astrit Balliu, alias Avdyli, Sulejmani, me pseudonimin “Titi”, nga Shijaku; Altin Avdyli, me pseudonimin “Niçja”, nga Shijaku; Saimir Gjepali, nga Shijaku; Gjevi Ndoka, alias Xhevahir, me pseudonimin “Xhevi”, nga Lezha; Esat Mehmeti, me pseudonimin “Çakja”, nga Fieri; Saimir Sulejmani, nga Fieri; Orges Jahelezi, alias Artan Elezi, me pseudonimin”Nita”, nga Tirana; Elis Bahushi, nga Elbasani; Elis Guri, nga Shkodra dhe Artur Balla, nga Elbasani.

Gjithashtu u shpallën në kërkim dy persona M.Z., dhe P.S.

Në kuadër të këtij mega operacioni, ku u goditën katër grupe kriminale, është zbuluar edhe implikimi i tre punonjësve të Policisë së Shtetit. Ata akuzohen për veprat penale “Shpërdorim detyre”, “Ndihmë për kalimin e paligjshëm të kufijve”, në kuadër të grupit të strukturuar kriminal dhe organizatës kriminale.

Efektivët e arrestuar janë Ardit Gjyriqi, nga Tirana; Jasin Abduli, nga Saranda dhe Bledar Koçi, nga Lushnja. /a.y/noa.al