![](/assets/images/noa-white-logo.png)
![](https://noa.al/newsImages/2024/02/drit.jpg)
Turqia ka miratuar ekstradimin në Shqipëri të Dritan Rexhepit, i cili u arrestua në Stamboll në muajin Nëntor të vitit 2023.
Aprovimi është dhënë nga gjykata turke, ndërsa gjatë kësaj jave pritet miratimi nga ministri turk i Drejtësisë.
Ky fakt u pohua sot në Gjykatën e Posaçme nga avokatja e Rexhepit, e cila ishte në seancën për paraqitjen e provave ku Dritan Rexhepi është i pandehur për rrembimin dhe zhdukjen e Jan Prengës.
Dritan Rexhepi, është një nga personat më të kërkuar nga drejtësia shqiptare.
Për Dritan Rexhepin Interpoli kishte lëshuar Kodin e Kuq, si një nga personat më të kërkuar ndërkombëtarisht, teksa në Shqipëri ai akuzohet për një sërë veprash të rënda penale, përfshi këtu vrasjen e policëve Arben Keqi dhe Durim Kasmi, si dhe porositjen e rrëmbimit dhe zhdukjes së Jan Prengës.
Nga Italia kërkohej si kreu i një organizate të fuqishme që merrej me trafikun e kokainës nga vendet latine drejt Europës.
Dritan Rexhepi ka qenë më parë i burgosur në Ekuador, vend ku ishte i përfshirë në trafikun e kokainës.
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)