![](/assets/images/noa-white-logo.png)
![](/newsImages/2024/06/1717667703xtttttpng-621.png)
SHBA- Udhëtimi me safari i një familjeje në një park të kafshëve të egra në Teksas mori një kthesë të tmerrshme kur një gjirafë reagoi papritur ndaj një vajze të vogël. Videoja e publikuar nga babai i vajzës Jason Totten, tregon vajzën 2-vjeçare të ulur në prehrin e nënës së saj në pjesën e pasme të një kamioni gjatë një turneu në Fossil Rim Park.
Nëna e Paisley zgjatet për t’i ofruar ushqim gjirafës që i është afruar kamionit, kur papritmas kafsha kap vogëlushen me gojë dhe e ngre lart. Në atë moment dëgjohet klithma e nënës.
Një video tjetër e marrë nga pasagjerët e një automjeti pas kamionit zbulon se fatmirësisht gjirafa e ngriti vajzën e vogël vetëm disa centimetra dhe më pas e hodhi pothuajse menjëherë në krahët e nënës së saj.
Në një deklaratë për mediat amerikane, shefi i marketingut i Qendrës Fossil Rim Wildlife në Glen Rose tha se menaxhmenti i qendrës u informua për incidentin dhe menjëherë ndërmori hapa për të parandaluar që diçka e tillë të përsëritej. Një nga këto masa është ndalimi i vizitorëve të parkut që të marrin pjesë në turin "safari" të ulur në pjesën e pasme të një kamioni.
“Ishte një aksident, gjirafa nuk donte. Ishte thjesht diçka që ndodhi. Ne nuk kemi inat as me kafshën dhe as me parkun” tha babai i vajzës.
Dramatic video shows the moment a giraffe grabbed a 2-year-old girl from her family's vehicle at a Texas safari park and lifted her into the air https://t.co/biG3FbLwN3 pic.twitter.com/JjxyTxrLRz
— ABC7 Eyewitness News (@ABC7) June 5, 2024
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)