



Dalin pamjet e vendosjes së eksplozivit, në banesën e Gazmir Dacit, person i cili ndodhet në burg, i dënuar për vrasje.
Në videon që gjeni më poshtë, mund të shihni një person i cili mban veshur bluzë me kapuç, ku pasi vendos tritolin në banesën e Dacit, ikën me vrap.
Në kamera fiksohet ora 01: 31 e kësaj të premteje, ndërsa shihet se autorin e pret një makinë në rrugën “Martin Camaj”,
Pamjet janë fiksuar nga kamerat e sigurisë të vendosura nga familja Daci, për shkak të konflikteve dhe hasmërisë me familjen Kolaveri.
Shpërthimi ndodhi në zonën e Bathores, në periferi të Tiranës.
Si pasojë e shpërthimit janë shënuar dëmtime të shumta në katin e parë të banesës trekatëshe.
Eksplozivi është vendosur në banesën e Gazmir Dacit, person i akuzuar për vrasje dhe që ndodhet në burg. Më konkretisht Daci, akuzohet se në nëntor të vitit 2015 ka vrarë Valmir Kolaverin dhe ka plagosur vëllanë e tij Robert Kolaverin.
Ndaj Dacit në vitin 2016, u bë një atentat me armë zjarri teksa ndodhej në ajrimin e burgut të Vaqarrit, por fatmirësisht pa e dëmtuar. /a.y/noa.al
Eksplozivi në banesën e të dënuarit për vrasje, babai i shënjestrës kërcënon: Do i bëj që t’iu ikë truri
Shpërthim me eksploziv në një banesë në Bathore, çfarë u zbulua për shënjestrën
Atentati me snajper në burgun e Vaqarrit, 20 vite burg për Kolaverin
I shpëtoi tre atentateve, Daci: Shteti të mbrojë familjen time
Atentati në burgun e Vaqarrit, Ergys Kolaveri mbetet në burg
Daci, shënjestra në burgun e Vaqarrit, kapen 2 të dyshuar. Zhduket snajperi
Bashkohu me kanalin e NOA WhatsApp për lajmet më të fundit direkt në celularin tënd





