Humbja e pestë radhazi për Lecce, që u mposht 1-0 në "Via del Mare" nga Roma. Pas ndeshjes, Ylber Ramadani nuk pranoi të dorëzohet, por shprehu gjithë zhgënjimin e tij: "Ishte një ndeshje shumë e vështirë, sepse që në fillim u përpoqëm të luanim nga mbrapa.

Më pas u rikthyem në lojë dhe zhvilluam dy kundërsulme të rëndësishme. Ishte një paraqitje e mirë, por jo rezultati që prisnim dhe shpresonim. A kishte faull në aksionin e golit të Romës? Baschirotto thotë se ishte faull".

Sa i përket formës së tij, mesfushori dhe përfaqësuesi i kombëtares shqiptare shpjegoi: "Kjo ka qenë një periudhë e vështirë për mua. Kam pasur edhe një problem me shpinën, por tani dua vetëm të marr rezultate pozitive me Lecce. Kam qëndruar gjithmonë i qetë. Kanë mbetur vetëm 8 ndeshje deri në fund të kampionatit, edhe ata që nuk luajnë duhet të jenë të gatshëm. Duhet të qëndrojmë në heshtje, të punojmë dhe të jemi të bashkuar".

Së fundmi, një mesazh për tifozët verdhekuq, që vazhdojnë ta mbështesin ekipin: "Na motivojnë shumë, duhet të fitojmë për ta dhe t’i bëjmë të lumtur. Pa ta, nuk mund ta sigurojmë mbijetesën".

Sipas Ramadanit, tani duhet të dalë në pah rëndësia e liderëve: “Pavarësisht se kush luan, duhet të qëndrojmë të bashkuar. Duhet të kemi shpirtin e duhur. Edhe vitin e kaluar ishim në vështirësi, por qëndruam të bashkuar. Nuk duam ta lëshojmë mbijetesën në Serie A nga duart.

Që nga ndeshja me Venezia nuk duhet të flasim, vetëm të përqendrohemi në fushë dhe të marrim rezultatet e duhura. Duhet të jemi më agresivë para portës. Duhet ta mbushim më shumë zonën kundërshtare për të shënuar. Kjo na mungon dhe duhet korigjuar shpejt”.