Maminas – arrestohet 51-vjeçari i dënuar në Itali për trafik droge, pritet ekstradimi

Policia e Shtetit ka finalizuar me sukses operacionin policor të koduar "Operacionalja 34", duke arrestuar në Maminas Albert Koni, 51 vjeç, i shpallur në kërkim ndërkombëtar nga autoritetet italiane.

Ky shtetas ishte dënuar nga Gjykata e Apelit të Torinos me 4 vjet, 5 muaj dhe 21 ditë burg, për trafikim të lëndëve narkotike. Pas bashkëpunimit mes Policisë Shqiptare dhe asaj Italiane, u bë i mundur lokalizimi dhe arrestimi i tij me qëllim ekstradimin në Itali.

Interpol Tirana dhe Interpol Roma po ndjekin procedurat për dorëzimin e tij te autoritetet italiane. Operacioni vjen si pjesë e aksioneve të vazhdueshme për kapjen e të kërkuarve ndërkombëtarë që fshihen në Shqipëri.