Një person u ekzekutua me breshëri arme në qytetin e Shkodrës gjatë orëve të para të mëngjesit të së premtes.
Ngjarja e rëndë ndodhi në lagjen “Kiras” ndërkohë viktimë mbeti 53-vjeçari Fatbardh Lici.
Në momentet e krimit ai ishte ulur në tavolinën e një lokali në trotuar teksa ndaj tij u lëshua breshëria e plumbave nga një automjet me të cilin autorët u larguan me shpejtësi.
Lici njihet si kunati i Lulzim Kullës, “të fortit” të Shkodrës që para pak muajsh i shpëtoi një atentati me tritol në hyrje të dyqanit të tij.
Po ashtu, ai është vëllai i Mustafa Licit, kryetar i Partisë Mendimi i Djathtë Liberal. Ky i fundit njëkohësisht është edhe anëtar i Këshillit të Bashkisë Shkodër.
Kujtojmë se kunati i tij Kulla (burri i motrës) është nën arrest pasi tentoi të kalojë kufirin me pasaportë të falsifikuar.
Ndërkohë, nipi i tij Muhamed Lici është arrestuar para pak kohësh si pjesë e një bande gjobëvënësish ndaj bizneseve në Shkodër.
Viktima Fatbardh Lici ka qenë i dyshuar për përfshirje në vrasjen e Astrit Kurmemajt në vitin 2011./a.m./noa.al/
Kush është personi i ekzekutuar në Shkodër, dyshohej për përfshirje në një vrasje
Tronditet Shkodra, ekzekutohet me armë zjarri një person
Atentati, viktima ishte vëllai i politikanit të njohur shkodran