Një person u ekzekutua me breshëri arme në qytetin e Shkodrës gjatë orëve të para të mëngjesit të së premtes.
Ngjarja e rëndë ndodhi në lagjen “Kiras” ndërkohë viktimë mbeti 53-vjeçari Fatbardh Lici.
Në momentet e krimit ai ishte ulur në tavolinën e një lokali në trotuar teksa ndaj tij u lëshua breshëria e plumbave nga një automjet me të cilin autorët u larguan me shpejtësi.
Policia gjeti një mjet tip “benz” në fshatin Dobraç që mendohet se është pikërisht ai i përdorur për vrasjen e Licit.
Viktima është vëlla i Mustafa Licit, një personazh i njohur politik në Shkodër. Ai është kryetar i Partisë “Mendimi i Djathtë Liberal”, dhe njëkohësisht anëtar i Këshillit të Bashkisë.
Policia po heton pistën e hakmarrjes. Viktima Fatbardh Lici ka qenë i dyshuar për përfshirje në vrasjen e Astrit Kurmemajt në vitin 2011./a.m./noa.al/
Kush është personi i ekzekutuar në Shkodër, dyshohej për përfshirje në një vrasje