Vlorë – Një aksident zinxhir i përfshirë në rrugën Transballkanike të Vlorës ka shkaktuar kaos në trafik, raporton noa.al.

Një automjet ka humbur kontrollin dhe ka përplasur tre makina të tjera, duke shkaktuar plagosjen e një personi si dhe dëme të shumta materiale.

Automjeti që shkaktoi përplasjen ka goditur edhe motomjetin e forcave operacionale të policisë.

Për pasojë, një person ka mbetur i plagosur, policia sapo njoftoi se ai është jashtë rrezikut për jetën.

View this post on Instagram

A post shared by Agjencia Kombëtare e Lajmeve NOA (@noanews)

Drejtuesi i automjetit është shoqëruar nga policia për veprime të mëtejshme, ndërsa hetimet po vijojnë për zbardhjen e plotë të rrethanave të ngjarjes. /noa.al

Vlorë/Në gjendje të dehur në drejtim të automjetit, përplas disa mjete dhe tenton t’i largohet Policisë, kapet dhe ndalohet pas ndjekjes 34-vjeçari.

Sot, rreth orës 19:50, në rrethrrotullimin e Çoles, në lagjen “1 Maji”, shtetasi K. Ll., 34 vjeç, banues në Vlorë, duke drejtuar automjetin tip “Benz” në gjendje të dehur, ka përplasur fillimisht tre mjete dhe, gjatë lëvizjes për t’u larguar nga vendi i ngjarjes, ka goditur edhe një tjetër mjet me drejtuese shtetasen A. K., rreth 50 vjeçe, e cila ndodhet në spital, jashtë rrezikut për jetën.

Menjëherë pas marrjes së këtij informacioni, shërbimet e Policisë janë vënë në ndjekje për ndalimin dhe kapjen e tij. Pas lokalizimit të 34-vjeçarit, ky i fundit ka tentuar t’i largohet shërbimeve të Policisë duke manovruar me shpejtësi dhe goditur dy mjete të Policisë, duke vënë në rrezik jetën e efektivëve.

Pas ndjekjes së vazhdueshme nga Policia, në një zonë jashtë qendrave të banuara, për të shmangur rrezikun për drejtuesit e tjerë të mjeteve apo kalimtarët e rastit, u bë e mundur ndalimi i drejtuesit të automjetit, shtetasit K. Ll., i cili u shoqërua menjëherë në komisariat për veprime të mëtejshme.

Grupi hetimor vijon punën për sqarimin e plotë të rrethanave dhe dokumentimin e plotë ligjor të kësaj ngjarjeje.

Pamje nga vendi i ngjarjes