Një aksident automobilistik ka ndodhur pasditen e së shtunës në zonën e ish-Kënetës në Durrës, ku një çift bashkëshortësh ka mbetur i lënduar pasi automjeti me të cilin po udhëtonin u përplas me një shtyllë.

Çifti, rreth 57 vjeç kishin ardhur nga Greqia dhe po lëviznin me automjet kur makina humbi kontrollin dhe u përplas me shtyllën.

Edhe pse rruga është asfaltuar së fundmi, shtylla nuk është zhvendosur, duke përbërë një rrezik për drejtuesit e mjeteve.

Policia mbërriti në vendngjarje dhe ka nisur hetimet për zbardhjen e rrethanave të aksidentit, ndërsa të plagosurit kanë marrë ndihmën mjekësore në spital.