Gjykata  e Përmetit ka shpallur moskompetencë lidhur me dosjen që çoi në arrestimin e botuesit dhe pronarit të Universitetit Europian të Tiranës, Henri Çili.

Vendimi u mor nga gjykata e rrethit jugor, pasi këtë të diel dha masën e sigurisë për Çilin dhe të akuzuarit e tjerë.

Gjyqtari i çështjes njoftoi shpalljen e moskompetencës dhe kalimin e dosjes në Prokurorin e Posaçme, SPAK dhe nga andej në Gjykatën e Posaçme.

Kjo pasi ndaj Çilit rëndon edhe akuza e e ushtrimit të ndikimit të paligjshëm ndaj personave me funksione publike.

Më konkretisht ky arsyetim i referohet rastit kur Çili akuzohet se i ka telefonuar drejtoreshës së Hipotekës Shkodër të përshpejtimin e procedurave për kalimin e dy apartamenteve që i dhuroi familja Aliko.

“Detyrim paraqitje”, vendosi mbrëmjen e kësaj të diele, Gjykata e Përmetit, pas një seance maratonë të nisur qysh prej paradites. Me këtë masë botuesi dhe pronari i Universitetit Europian të Tiranës, i’u rikthye lirisë.

Sakaq “arrest shtëpie”, u vendos për drejtorin juridik të UET, Ilir Korbin.

Çili deklaroi në gjykatë se “Arrestimi i tij është bërë pa prova”.

Po ashtu ai ka deklaruar se ka në pronësi një studio ligjore që merret me ndërmjetësime dhe biseda të kësaj natyre janë brenda profilit të punës.

E njëjta masë u dha edhe për Shpresa Gjocaj, Liko Jazin, Renato  Toskën, Kejsi Meçon, Edmond Xaka, Kristina Bashi, Lisandër Alikollari, Entilon Kamberaj, Abaz Dani (Mesi) dhe Daniel Yzeiraj.

Sakaq “arrest me burg” u vendos për Amarildo Aliko, Eraldjan Hodo, Xhevair Sejati, Neuland Miçi, Skënder Toska, Armando Hajdinaj, Sidi Ramaj, Erment Beqaraj, Askerd Malke, Elidon Alikollari, Ervin Çela, Antonio Hasa, Adriatik Brakaj, Aristidh Çoli, Klea Pëllumbi dhe Kladi Dervishi.

“Arrest shtëpie” u vendos për Ilir Korbin dhe Besnik Fishtën.

Për Betim Shkupin, për shkak të konfliktit të interesit me gjyqtarin me të cilin kishte qenë shok shkolle, masa do të jepet ditën e nesërme.

Henri Çili u arrestua këtë të premte nën akuzën e ndikimit për uljen e dënimit të dy vëllezërve lazaratas Alban Aliko dhe Arbjan Alikos të arrestuar për vrasjen e efektivit të RENEA-s, Ibrahim Bashës.

Si rezultat i punës hetimore e procedurale nga strukturat e Drejtorisë Vendore të Policisë Gjirokastër, në bashkëpunim me Departamentin e Policisë Kriminale, nën drejtimin e Prokurorisë së Rrethit Gjyqësor Përmet, duke aplikuar metodat speciale të hetimit ndaj Çilit, u bë e mundur të dokumentohej aktiviteti kriminal për veprat penale “Prodhimi dhe shitja e narkotikëve”, “Ushtrimi i ndikimit të paligjshëm ndaj personave që ushtrojnë funksione publike” ‘’Falsifikimi i kartëmonedhave”, “Mbajtja pa leje e armëve të zjarrit dhe lëndëve plasëse”, “Organizimi i lotarive të palejuara”, “Pastrimi i produkteve të veprës penale”, “Fshehja e të ardhurave”, “Mashtrimi” dhe “Falsifikimi i dokumenteve”. /a.y/noa.al

Gjykata lë të lirë Henri Çilin, jepet masa e sigurisë dhe për të ndaluarit e tjerë

Shtyhet seanca për Henri Çilin dhe 29 të arrestuarit, gjyqtari shok klase me administratorin e UET

Zbardhet dëshmia e analistit Henri Çilit në polici

Emri i një zyrtari të lartë mbahet sekret? Denoncimi: Pse nuk guxohet të tregohet partneri në krim i Henri Çilit

Henri Çili ra në rrjetën e drejtësisë, avokati i tij: Ende nuk ka dhënë dëshmi për prokurorinë

Apartamente dhe 700 mijë euro për lirimin e vëllezërve lazaratas? Henri Çili mohon akuzat: Do ti kundërshtoj me prova e fakte

Pse u arrestua analisti Henri Çili

Dalin pamjet e arrestimit të Henri Çilit dhe 27 të tjerëve, para, drogë dhe armë