Një operacion i policisë së Tiranës, i koduar “Pagesa”, ka zbardhur ngjarjen e ndodhur ende pa zbardhur e premtja, ku në banesën e të dënuarit për vrasje Gazmir Daci u vendos eksploziv.

Në kuadër të operacionit të zhvilluar mbrëmjen e djeshme, e diel, u bë kapja e autorit të dyshuar të kësaj ngjarje, Vilson Brahaj, 23 vjeç, lindur në Kukës dhe banues në Kamëz, Tiranë.

Nga tërësia e veprimeve hetimore, Brahaj dyshohet se kundrejt pagesës ka vendosur sasinë prej 500 gramë lëndë plasëse në banesën e shtetasit Xh.Daci, babai i Gazmir Dacit.

Autori i dyshuar pas kryerjes së krimit ka hedhur në lumë tek “Ura e Tapizës”, rrobat e përdorura gjatë kryerjes së krimit, ndërsa automjetin e kishte fshehur në një bodrum afër “Urës së Tapizës”.

Për arsye hetimore nuk bëhen me dije të dhënë të tjera .

Në cilësinë e provës materiale është sekuestruar automjeti të cilin autori i dyshuar e ka përdorur për të transportuar dhe shpërthyer lëndën plasëse në banesën e shtetasit Xh. D., në rrugën “Martin Camaj” Bathore.

Ndaj të dyshuarit materialet iu referuan Prokurorisë së Tiranës për veprën penale “Shkatërrimi i pronës me eksploziv”.

Në videon që gjeni më poshtë, mund të shihni një person i cili mban veshur bluzë me kapuç, ku pasi vendos tritolin në banesën e Dacit, ikën me vrap.

Në kamera fiksohet ora 01: 31 e kësaj të premteje, ndërsa shihet se autorin e pret një makinë në rrugën “Martin Camaj”,

Pamjet janë fiksuar nga kamerat e sigurisë të vendosura nga familja Daci, për shkak të konflikteve dhe hasmërisë me familjen Kolaveri.

Si pasojë e shpërthimit u shënuan dëmtime të shumta në katin e parë të banesës trekatëshe.

Eksplozivi u vendos në banesën e Gazmir Dacit, person i akuzuar për vrasje dhe që ndodhet në burg. Më konkretisht Daci, akuzohet se në nëntor të vitit 2015 ka vrarë Valmir Kolaverin dhe ka plagosur vëllanë e tij Robert Kolaverin.

Ndaj Dacit në vitin 2016, u bë një atentat me armë zjarri teksa ndodhej në ajrimin e burgut të Vaqarrit, por fatmirësisht pa e dëmtuar. /a.y/noa.al Eksplozivi në banesën e Dacit, pamjet kur i dyshuari vendos tritolin dhe ikën me vrap

Eksplozivi në banesën e të dënuarit për vrasje, babai i shënjestrës kërcënon: Do i bëj që t’iu ikë truri

Shpërthim me eksploziv në një banesë në Bathore, çfarë u zbulua për shënjestrën