Dalin detaje të reja lidhur me ekzekutimin me silenciator të ndodhur mbrëmjen e së mërkurës, në zonën e ish-Bllokut në Tiranë.

Vrasësi i biznesmenit Memli Begallaj, është filmuar nga kamerat e sigurisë së bizneseve përreth.

Nga pamjet filmike, i dyshuari si vrasës mbante veshur xhaketë të bardhë dhe një kapele në kokë, ndërsa fytyra nuk i shquhet.

Pasi ekzekutoi me plumb në kokë 64-vjeçarin Memli (Afrim) Begallaj, ai vazhdoi të ecte i qetë deri kur hipi në një makinë, e cila po e priste në rrugën kryesore.

Dyshohet se personi i filmuar nga kamerat është vrasës me pagesë. Viktima rezulton se u kishte marrë borxh rreth 90 mijë euro personave të ndryshëm.

64-vjeçari i cili ishte administrator i kompanisë “LAB”, një agjencie turistike dhe dy dyqaneve të gomave, njëri në Yzberisht dhe tjetrit në autostradën Tiranë-Durrës, kishte borxhe në shuma të mëdha parash tek disa persona.

Mësohet se ndaj tij në Gjykatën e Apelit ishte bërë një padi penale, për shkak të borxheve të pashlyera.

Sakaq tre vite më parë, Begallës i kishin djegur edhe një makinë “Land Rover”. /a.y/noa.al

Ky është biznesmeni i ekzekutuar me plumb në kokë, zbulohen borxhet që kishte

Ekzekutimi me silenciator në Tiranë, zbulohet e kaluara e viktimës. I dënuar më parë

Atentati me silenciator në Tiranë, biznesmeni nga Tepelena kishte ndërruar emrin

Vrasja në Tiranë, kush është biznesmeni që u ekzekutua gjatë atentatit?