Forcat e Armatosura janë hedhur në terren për kërkimin e personit të humbur pranë kanioneve të Skraparit.

Në këtë operacion janë përfshirë Regjimenti i Poshnjes, me 12 efektivë, 2 mjete dhe 2 varka, si dhe Regjimenti i Operacioneve Speciale (ROS), Tiranë, me 12 efektivë, të pajisur me dron për kërkim dhe vëzhgim ajror.

Forcat e Armatosura po veprojnë në koordinim të plotë, duke shfrytëzuar të gjitha kapacitetet njerëzore dhe teknike, me qëllim përballimin e situatës dhe përfundimin me sukses të operacionit.

Më herët shërbimet e Policisë nisën ekipet e shpëtimit dhe gjatë kërkimeve gjetën pranë kanioneve të lumit Osum, konkretisht në vendin e quajtur "Ura e Blezënkes", motomjetin dhe sendet personale të 42-vjeçarit Ilir Kurti.

Paraprakisht dyshohet se ky shtetas mund të jetë hedhur në lumë. Vijojnë kërkime për gjetjen e burrit, si dhe vijojnë hetime për të dokumentuar rrethanat e rastit.

Hetimet nxorën se Kurti pak vite më parë ishte martuar me një shtetase rumune dhe pati një fëmijë me të. Një divorc mes tyre pasoi largimin e rumunes nga Shqipëria duke marrë me vete dhe fëmijën. Kjo situatë pasoi pikëllimin e burrit dhe mallin për fëmijën.

Një cigare dhe një shishe e lënë përgjysmë dhe asnjë gjurmë, zhduket në mister te Kanionet e Osumit babai i një fëmije

Autoritetet mbeten në ndjekje të vazhdueshme të situatës dhe do të informojnë publikun për çdo zhvillim të mëtejshëm.

Shtatë muaj pa parë të birin, mesazhi i fundit i burrit nga Skrapari: Po hidhem…