Fushë Krujë, 4 prill 2025 – Vijon operacioni policor i koduar “Formacioni” për shkatërrimin e një grupi kriminal që dyshohet për disa vjedhje në qytetin e Fushë Krujës.

Policia njoftoi arrestimin e Leonard Koleci, 33 vjeç, banues në Kamzë, i shpallur në kërkim dy ditë më parë, si pjesë e grupit të përfshirë në vjedhjet e ndodhura më 27 dhe 28 mars në dy biznese në këtë zonë.

Kapja e tij u bë e mundur falë bashkëpunimit mes Komisariatit të Policisë Krujë dhe Komisariatit Nr. 5 në Tiranë, të mbështetur nga inteligjenca policore.

Në fazën e parë të operacionit u arrestuan 4 persona dhe u dokumentuan dy raste vjedhjeje. Hetimet vijojnë për kapjen e edhe dy të kërkuarve të tjerë dhe për zbardhjen e veprave të tjera penale të mundshme të këtij grupi.

Materialet i janë referuar Prokurorisë pranë Gjykatës së Juridiksionit të Përgjithshëm Tiranë për veprime të mëtejshme.