Kina do të zbatojë një politikë fiskale më proaktive me përpjekje të qëndrueshme, duke përforcuar punë në pesë fusha kyçe për të nxitur rritjen ekonomike, tha ministri i Financave Lan Fo’an në një konferencë shtypi të enjten në Pekin që citon noa.al.

Sipas tij, politikat përfshijnë rregullime më të forta të deficitit, ngritjen e intensitetit të shpenzimeve, zgjerimin e emetimit të obligacioneve qeveritare, rritjen të fondeve të transfertave nga qeveria qendrore ndaj autoriteteve lokale dhe më shumë mbështetje për sektorët kyçë.

Kina ka vendosur objektivin e deficitit fiskal të këtij viti në 5.66 trilion juanë (780 miliardë dollarë), ose rreth 4% të prodhimit të brendshëm bruto (PBB) – një rritje prej 1.6 trilion juanë nga viti i kaluar.

Shpenzimet e buxhetit publik kombëtar do të rriten me 4.4%, duke arritur në 29.7 trilion juanë. Për më tepër, emetimi i obligacioneve qeveritare do të shkojë deri në 11.86 trilion juanë, ndërsa fondet e transferta nga qendra në qeveritë lokale do të rriten në 10.34 trilion juanë.

Mbështetja e përforcuar do të synojë sektorë kyçë si arsimi, sigurimi social dhe punësimi, sipas Lan. Shpenzimet për shkencë dhe teknologji do të rriten me 8.3%, duke kaluar 1.2 trilion juanë.