Njëri nga dy vëllezërit e ekzekutuar me armë zjarri paraditen e sotme në Shkodër është babai i një boksieri të njohur.

Viktima Astrit Bilali, është babai i boksierit të “Vllaznisë”, Asmer Bilali, i arrestuar më herët si pjesë e grupit “Bajri” që vepronte në qytetin verior.

Astrit Bilali 59 vjeç u ekzekutua në afërsi të banesës bashkë me vëllanë e tij Brahim Bilali 61 vjeç , në zonën e Zootektinës, në lagjen “Kiras”.

Pak momente pas krimit një makinë e djegur u gjet pranë zonës së Livadhes, mjet i cili dyshohet të jetë përdorur nga atentatorët.

Policia e Shkodrës kërkon bashkëpunimin e qytetarëve që çdo informacion sado të vlefshëm që mund të kenë të njoftojnë  në numrin 112 ose në numrin 0 69 410 2147 duke ju garantuar ruajtjen e plotë të  anonimatit.

Sakaq Asmer Bilali, dyshohet për plagosjen e Hermes Beqirit në një lokal në vitin 2019.

Po ashtu nga hetimet për grupin “Bajri”, u zbulua edhe emri i tij, ndërkohë që mendohet të jetë i përfshirë edhe në vrasjen e biznesmenit Arjan Ferracaku, i cili u ekzekutua mbi kalë.

Ferracaku u vra në resortin në pronësi të babait të Asmerit, Astrit Bilalit.

Asmer Billali njihet si kampion boksi, madje në vitin 2012 u kualifikua për lojërat olimpike “Londër 2012”. /a.y/noa.al

Ekzekutimi i dy vëllezërve, gjendet një makinë duke u djegur

Të shtëna me armë zjarri në Shkodër, vriten dy vëllezër