Presidenti Ilir Meta përshëndet aksionin e fundit të Policisë së Shtetit për kapjen e 613 kilogramë kokainë në portin e Durrësit.

Presidenti Meta nënvizon rrezikun kryesor që i vjen sigurisë kombëtare të vendit nga fuqizimi i krimit të organizuar dhe trafikut të drogës.

Ai kërkon thellim të mëtejshëm dhe intensifikim të bashkëpunimit të agjencive ligjzbatuese me partnerët ndërkombëtarë.

Presidenti përshëndet rolin e Anti-Mafias italiane dhe paralajmërimet e saj konsistente për rrezikun që i vjen, jo vetëm Shqipërisë dhe Italisë, por edhe rajonit, nga fuqizimi i krimit të organizuar.

Meta deklaron në mënyrë të përsëritur domosdoshmërinë për rritjen e kapaciteteve për forcimin e sigurisë së kufijve të vendit, veçanërisht të pikave të kalimit kufitar dhe inkurajon pastrimin e Policisë së Shtetit dhe gjithë agjencive ligjzbatuese nga elementët e inkriminuar, në funksion të përmbushjes me sukses të detyrimeve ligjore dhe kushtetuese. /a.y/noa.al

Sasia rekord e kokainës në Durrës, 2 në pranga, në kërkim porositësi i kontejnerit të bananeve

Kokaina rekord në Durrës e fshehur në kontenierin e bananeve, ishte nisur nga Kolumbia

Peshohet kokaina në portin e Durrësit, zbulohen detaje të tjera

Droga në Durrës, Basha: S’mund të kalonte nga Shqipëria pa garanci politike, të krijohet qeveri anti-mafia