Pamjet filmike, ku shfaqen dy punonjës policie në tejkalim të detyrës dhe të parimit të proporcionalitetit gjatë ndërhyrjes në tubimin e zhvilluar në Tiranë, kanë detyruar Drejtorin e Përgjithshëm të Policisë së Shtetit, Skënder Hita, të urdhërojë pezullimin e menjëhershëm nga detyra të dy punonjësve të Policisë.

Ata janë Inspektor E. P. dhe inspektor T. Ç., me detyrë në Patrullën e Përgjithshme, në Komisariatin e Policisë Nr. 3, Tiranë.

Pamje shumë të rënda, polici i sulet qytetarit dhe e plas në tokë

Njëkohësisht, Drejtori i Përgjithshëm ka urdhëruar Drejtorinë e Standardeve Profesionale për nisjen e menjëhershme të hetimit disiplinor për dy punonjësit e Policisë.

Të tjera pamje të rënda/ Policë në overdozë dhune? Shihni si marrin zvarrë studentin

Hita tha se përgjegjësia është individuale, por pranoi se veprime të tilla cenojnë rëndë imazhin e Policisë dhe besimin e qytetarëve.