Përditësim: Identifikohet burri që humbi jetën në aksident

Një aksident me pasoja fatale është regjistruar në orët e paradites në fshatin Mazhar të Sevasterit, në Selenicë, ku një automjet ka humbur kontrollin dhe ka rënë nga një lartësi e konsiderueshme në terrenin e thyer kodrinor.

Si pasojë e kësaj daljeje nga rruga, drejtuesi i mjetit, banor i zonës, ka ndërruar jetë në vend.

Të dhënat paraprake nga terreni sugjerojnë se shoferi dyshohet të ketë humbur kontrollin mbi drejtimin e automjetit, duke bërë që makina të dalë nga rruga dhe të përfundojë në greminë.

Shërbimet e emergjencës dhe grupi hetimor janë nisur menjëherë drejt vendngjarjes për të kryer veprimet e para procedurale, nxjerrjen e trupit dhe dokumentimin e rrethanave të plota të këtij ngjarjeje tragjike.

Ndërkohë, policia ka nisur hetimet zyrtare për të zbardhur shkaqet dhe dinamikën e plotë që çuan në këtë aksident fatal.