Zbulim tronditës pas aksidentit fatal në Fier, 43-vjeçari Ernis Xhumari dyshohet se u largua me shpejtësi pasi pa patrullën e policisë

Ngjarja që u raportua më herët si aksident rutinë, pas konfirmimeve zyrtare doli se ishte një ngjarje që precipitoi në vdekje në aksident të burrit që u përfshi.

Ernis Xhumari, 43 vjeç, banor në Tiranë, sipas të dhënave zyrtare që publikoi sot policia lokale, rreth orës 01:45, të datës 2 qershor 2026, bëri një sjellje të paqartë me mjetin e tij:

"Punonjësit e sallës operative të Komisariatit të Policisë Lushnjë, nëpërmjet kamerave të sigurisë, kanë konstatuar përpara Komisariatit, një automjet tip “Mercedes-Benz”, duke kryer manovra të çrregullta, dhe më pas drejtuesi i automjetit ka dalë nga automjeti duke bërtitur para Komisariatit, veprim të cilin e ka përsëritur disa herë".

Ajo që ndodhi më pas rezultoi fatale. Ja çfarë deklaron policia:

"Në këto kushte, salla operative ka njoftuar Patrullën e Përgjithshme që ishte me shërbim në qytet, për t’u afruar në Komisariat, me qëllim verifikimin e drejtuesit të automjetit dhe arsyen e sjelljeve të tij.

Drejtuesi i automjetit, sapo ka parë Patrullën e Përgjithshme që vinte drejt Komisariatit, është larguar me shpejtësi të madhe dhe pas disa minutash dyshohet se për shkak të shpejtësisë së madhe dhe humbjes së kontrollit mbi drejtimin e automjetit nga ana e drejtuesit, automjeti është përplasur me bordurat anësore të rrugës, në vendin e quajtur “Rrethrrotullimi i Plasmasit” dhe është përmbysur.

Si pasojë, drejtuesi i automjetit, shtetasi Ernis Xhumari, 43 vjeç, banues në Tiranë, ka humbur jetën".