Një nga 3 të rinjtë që ranë në liqenin e Vaut të Dejës është në gjendje më serioze dhe është dërguar në Tiranë kurse dy të plagosurit e tjerë gjenden ende në spitalin e Shkodrës, raporton noa.al.

Sakaq Drejtoria Vendore e Policisë Shkodër njoftoi sot se për aksidentin e ndodhur dje në aksin rrugor “Mjedë-Spathar”, specialistët e qarkullimit rrugor arrestuan në flagrancë shtetasin Z. B., 32 vjeç.

Arrestimi u bë pasi duke drejtuar automjetin, i riu ka humbur kontrollin dhe si pasojë automjeti është përplasur me barrierat metalike të urës së Spatharit dhe ka rënë në liqenin e Vaut të Dejës.

Drejtuesi i automjetit dhe pasagjeri, shtetasi N. Ç., 24 vjeç, banues në Laç, po marrin mjekim në Spitalin Rajonal Shkodër.

Ndërsa pasagjeri tjetër, shtetasi A. N., 22 vjeç, banues në Laç, u dërgua për mjekim të specializuar në Spitalin e Traumës.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.