PËRDITËSIM: Në një njoftim publik, orë më vonë, këtë 22 maj 2025 ora 21, gazetari Blendi Fevziu tha se ishte i autorizuar nga familja e Artan Lames të njoftonte se 58 vjeçari nuk kishte vdekur, por ishte në koma cerebrale. /noa.al

Artan Lame raportohet se ka ndërruar jetë në moshën 58-vjeçare në Gjermani, pas një ndërhyrjeje të vështirë në zemër. Kryeministri Edi Rama: "I pabesueshëm, po fatkeqësisht i vërtetë lajmi i befasishëm i ndarjes nga jeta të Artan Lames. Jam pa fjalë".

Tiranë- Ndahet nga jeta në moshën 58 vjeçare Artan Lame.

Lame ka ndërruar jetë në Gjermani, pas një ndërhyrjeje të vështirë në zemër.

Lame ka qenë drejtues i lart i shtetit shqiptar si zëvendësministër apo drejtor i Agjensisë së Kadastrës dhe Legalizimeve.

Pasioni i tij i rrallë ishte historia dhe renditet një ndër koleksionistët më të mirë të vendit.

Ndarja nga jeta në moshë të re është një humbje e madhe për familjen dhe shoqërinë shqiptare.

Biografia

Artan Lame ka lindur në Tiranë më 1967, me origjinë nga fshati Qytezë i Kolonjës.

Ai ishte publicist, opinionist dhe koleksionist shqiptar. Studiues i historisë shqiptare, veprimtar i shoqërise civile për mbrojtjen e trashëgimise kulturore shqiptare. Gjithashtu, veprimtar politik i Partisë Socialiste dhe funksionar shtetëror.

Funksione shtetërore 1999-2000: Drejtor i Trashëgimisë Kulturore në Ministrinë e Kulturës. 2000-2002: Nënkryetar i Bashkisë së Tiranës. 2002-2005: Zëvendësministër i Territorit dhe Turizmit. 2013-2019: Drejtor i Përgjithshëm i ALUIZNI-t (Agjensia e Legalizimit, Urbanizimit dhe Integrimit të Zonave Informale).

2019-2023: Drejtor i Përgjithshëm i ASHK (Agjensia Shtetërore e Kadastrës).