Durrës – Një ngjarje e rëndë ka ndodhur pas mesnate në lagjen nr. 18 në Durrës, ku rreth orës 00:50 është qëlluar me armë zjarri shtetasi Ermir Dedja, 29 vjeç.

I riu u transportua për në spital, por nuk mundi t’u mbijetojë plagëve dhe ndërroi jetë.

Siç bëhet me dije, 29-vjeçari Ermid Dedja ka ndërruar jetë në spital.

Vrasja e të riut ndodhi në lagjen nr.18 nga persona të maskuar të cilët janë larguar nga vendi i ngjarjes me një automjet. Në foto shikoni pamje nga vendi i ngjarjes.

Ndërkohë emri i tij rezulton i skeduar për policinë pasi në 2015 është arrestuar, sepse i shiti drogë një grupi personash të cilët do e kalonin nga Morina drejt Kosovës.

Ndërkohë, 2 vjet më vonë ai sërish ka qenë në fokusin e policisë pasi u akuzua se ishte përfshirë në një plagosje.

Në lidhje me ngjarjen e sotme, policia lëshoi këtë komunikatë:

"Më datë 20.05.2025, në orën 00:50, në lagjen nr. 18 Durrës, është qëlluar me armë zjarri shtetasi E. D., 29 vjeç, i cili ka humbur jetën në spital.

Në vendngjarje kanë shkuar shërbimet e Policisë dhe po vijojnë kontrollet për kapjen e autorit/ve.

Është ngritur një grup i posaçëm hetimor dhe nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve", informoi sot policia. /noa.al

View this post on Instagram

A post shared by Agjencia Kombëtare e Lajmeve NOA (@noanews)