Zgjedhjet 2025 – PS drejt shumicës së cilësuar, e vetme ka 82 mandate, PD-ASHM e ndjek me 52 – 5 parti hyjnë në Kuvend

Tiranë, 13 maj 2025 – Ora 19:00 – Procesi i numërimit të votave për zgjedhjet parlamentare të 11 majit po shkon drejt fundit, ndërsa janë numëruar 96% e kutive të votimit në shkallë vendi.

Të dhënat paraprake të Komisionit Qendror të Zgjedhjeve tregojnë se Partia Socialiste ruan epërsinë e ndjeshme dhe pritet të sigurojë shumicën e mandateve në Kuvend.

Rezultatet e deritanishme – përqindje dhe mandate:

Partia Socialiste (PS) – 52.16% e votave – 82 mandate

Koalicioni Partia Demokratike – Aleanca për Shqipërinë Madhështore (PD-ASHM) – 34.22% – 52 mandate

Partia Socialdemokrate (PSD) – 3.34% – 3 mandate

Nisma “Shqipëria Bëhet” – 3.70% – 1 mandat

Partia Mundësia – 1 mandat

Lëvizja Bashkë – 1 mandat

Pjesëmarrja dhe vota nga diaspora

Deri në orën 19:00 të së dielës, pjesëmarrja në votim ishte 42.17%, një nga nivelet më të ulëta në zgjedhjet parlamentare të pas viteve ’90.

Për herë të parë në historinë e zgjedhjeve në Shqipëri, janë përfshirë edhe votat nga diaspora. Sipas KQZ-së, janë dorëzuar 194,889 zarfe nga shqiptarët jashtë vendit, të cilat pritet të ndikojnë në rezultatin përfundimtar në disa qarqe të balancuara.

***

Partia Socialiste po shkon drejt një shumice si e vetme me 82 mandate, ndërsa opozita e përfaqësuar nga PD-ASHM dhe forca të tjera më të vogla, fragmentohet në disa grupe parlamentare. Ky rezultat pritet të japë një konfigurim të ri politik në Kuvend, me 5 forca që arrijnë të përfaqësohen.

Numërimi i plotë dhe verifikimi i votave të diasporës pritet të mbyllë procesin në ditët në vijim. /noa.al

Numërohen mbi 98% e kutive: PS thellon epërsinë me mbi 721 mijë vota, PD-ASHM 475 mijë