Magazinë
Transmetuar më 01-12-2024, 21:11

Tirana dhe Partizani ndanë pikët, pas barazimit pa gola në derbin e kryeqytetit, të vlefshëm për javën e 15-të të elitës dhe të luajtur në “Arenën Kombëtare”.

Qysh në fillim, nuk munguan “ngacmimet”, me të kuqtë dhe bardheblutë që lëshuan sinjalet e para. Cara provoi në njërin krah, sakaq në krahun tjetër, edhe Jonuzi provoi disa herë të zgjidhë takimin.

Episodi më i rëndësishëm i fraksionit i erdhi pas 30 minutash lojë. Sembene shkakton autogol pas një topi të Gjumsit nga krahët, por festa e ekipit të Gugash Maganit zgjati pak. Goli i Tiranës u anulua pasi pozicioni i Jarmouni, u konsiderua si i parregullt.

Deri në vërshëllimën e arbitrit për të dërguar skuadrat në dhomat e zhveshjes, të dy ekipet patën edhe nga një rast të mirë, me Kolën dhe Mba.

Partizani e filloi “zjarr” fraksionin e dytë, teksa vetëm shtylla ndali Bintsouka-n nga goli. Më pas, Rrapaj vendosi në provë Selmanin, e menjëhershme përgjigja e portierit.

Në kohën shtesë, Tirana pretendoi penallti për shkak të një prekje me dorë, 11-metërsh i akorduar pas një verifikimi nga sistemi VAR. Portieri Qirko bëri heroin, duke i pritur penalltinë Prengajt!

Partizani kryeson tabelën me 28 pikë, ndërsa Tirana është në vendin e shtatë me 16 pikë.

Rivalitet i ashpër edhe për sa i përket mbijetesës. Tabela mbyllet nga Bylisi me 13 pikë, po aq sa Skënderbeu i vendit të 9-të, ndërkohë që në vallen e mbijetesës janë edhe Laçi dhe Tirana respektivisht me 15 dhe 16 pikë. Në pozita jo fortë komode ndodhen edhe Teuta me Elbasani që mbajnë vendin e gjashtë dhe të 5-të me 17 dhe 18 pikë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit