Dalin detaje të reja lidhur me djegien e pesë makinave të parkuara në Vlorë.

Lidhur me ngjarjen e ndodhur në zonën e Ujit të Ftohtë, dyshohet për zjarrvënie të qëllimshme.

Po ashtu mendohet se objektivi ka qenë një punonjës bashkiak, Genti Sherifi, për shkak se dy nga makinat e djegura i përkasin atij dhe bashkëshortes.

Mësohet se Sherifi është drejtori i Shërbimeve në Bashkinë e Vlorës.

Po ashtu, pranë dy mjeteve janë gjetur edhe shishe me lëndë djegëse, ndërkohë që tre mjetet e tjera dyshohet se janë djegur aksidentalisht si pasojë e përhapjes së flakëve.

Lidhur me këtë ngjarje, policia po heton me synim identifikimin dhe kapjen e autorit/ve. /a.y/noa.al

Vlorë, gjenden të djegura pesë makina në një parkim