Aksidenti që ndodhi pasditen e sotme në rrugën nacionale Korçë-Maliq, i mori jetën çiftit të bashkëshortëve, Saimir Shaholli, 70 vjeç dhe Vjollca Shaholli 63 vjeçe.
Të ndjerët ishin duke ecur teksa u përfshinë në aksidentin fatal me një automjet i cili drejtohej nga 63-vjeçari S.N., banor i Elbasanit.
Aksidenti është regjistruar në afërsi të fshatit Poçestë, në aksin Korçë-Maliq, raporton noa.al.
Si pasojë e aksidentit, bashkëshortët kanë mbetur të plagosur rëndë. Ata janë transportuar në spital, ku kanë ndërruar jetë.
Drejtuesi i mjetit është shoqëruar në Drejtorinë e Policisë së Korçës, për veprime të mëtejshme procedurale.
Policia tha se ka nisur hetimet për rrethanat dhe shkaqet e aksidentit. /k.k/noa.al/
Aksident tragjik, humbin jetën burrë e grua
Fotot: Pamje nga vendi i ngjarjes