Identifikohet shqiptari i cili humbi jetën pas një sherri të ndodhur në dalje të një lokali në Itali. Ai është Arben Kola 32 vjeç, baba i dy fëmijëve, i cili u vra nga një 26-vjeçar shqiptar me precedentë penalë.

Kola u rrah për vdekje në Chiari të Italisë, mbrëmjen e kësaj të marte, ku për shkak të përplasjes së kokës gjeti vdekjen.

Agresori i dyshuar edhe ai shqiptar, është arrestuar nga policia nën akuzën e vrasjes.

Viktima si pasojë e dëmtimeve të marra gjeti vdekjen në spital, duke mos mundur të mbijetojë. 32-vjeçari jetonte prej vitesh në Chiari, provincë e Brescia dhe mbrëmjen e djeshme u përfshi në një sherr në një lokal.

I dëmtuari, u dërgua me urgjencë në spital, por ndërroi jetë pak më vonë.

I dyshuari për krimin u arratis direkt pas ngjarjes, por u gjet nga policia pak më vonë.

Lidhur me këtë ngjarjet hetimet janë në vijim, ndërkohë që edhe i dyshuari ka dëmtime fizike. /a.y/noa.al

Sherri në lokal përfundon me viktimë, vritet një shqiptar në Itali