Rëndohet edhe më tej bilanci i aksidentit tragjik të ndodhur në periferi të Tiranës, pranë Kamzës paraditen e së mërkurës.
Pak minuta pas ngjarjes ka humbur jetën edhe një person i dytë i përfshirë në aksident. Bëhet fjalë për shtetasin me inicialet R.I., 29-vjeç.
Ky i fundit ishte duke udhëtuar me biçikletë teksa u përplas nga mjeti që drejtohej nga shtetasja me inicialet R.K.
Më herët në vendngjarje ndërroi jetë vajza 7-vjeçare me inicialet E.N e cila ishte duke ecur në trotuar me nënën dhe motrën e saj më të vogël.
Raportohet se edhe nëna e saj 29-vjeçare me inicialet V.N. dhe vajza tjetër 6-vjeçare me inicialet E.N. janë plagosur rëndë, kjo e fundit është në gjendje kritike për jetën.
E mitura aktualisht ndodhet në sallën e operacionit.
Aksidenti i rëndë ka ndodhur pranë shinave të trenit në Kamëz ku shtetasja me inicialet R. K., ka humbur kontrollin e mjetit me targë AA 071 UA, duke u përplasur me biçikletën fillimisht dhe më pas me këmbësorët, nënën me dy fëmijët që ndodheshin në trotuar.
Policia thotë se ka ndaluar drejtuesen e mjetit dhe po kryen veprimet procedurale në vendngjarje./a.m./noa.al/