Në vijim të operacionit të koduar “Porosia”, arrestohet personi i gjashtë i cili ishte shpallur në kërkim.

Policia e Elbasanit në orët e para të mëngjesit të sotëm, ka vënë në pranga Erges Lipon, 30 vjeç banues në Pogradec.

Ndalimi i tij, u bë në Pogradec pasi, dyshohet të ketë konsumuar veprën penale “Prodhimi dhe mbajtja pa leje e armëve luftarake, e municionit dhe lëndëve eksplozive , e  kryer në bashkëpunim”.

Arrestimi i tij u bë pas, prangosjes së pesë personave të dyshuar si të përfshirë në aktivitete të ndryshme kriminale.

Në kuadër të operacionit të koduar “Porosia” mbrëmjen e së mërkurës u bë arrestimi i  Geraldo Yzeirllarit, 20 vjeç, banues në Pogradec;  Kristi Maxhari, 21 vjeç, banues në Pogradec; Kristian Petani, 22 vjeç, banues në Pogradec; Edmond Abazi, 39 vjeç, banues në fshatin Hudenisht, Pogradec dhe  Gazmor Kokla, 39 vjeç, banues në fshatin Gribë, Gramsh.

Geraldo Yzeirllarit dhe Kristi Maxharit u janë gjetur dhe sekuestruar 82 kallëpe të dyshuara si lëndë plasëse, e llojit tritol.

Edmond Abazit i është gjetur dhe sekuestruar 1.5 kg lëndë narkotike e dyshuar kanabis.

Gjatë kontrollit të banesës së Gazmor Koklës, në Gramsh janë gjetur një armë zjarri automatik, një pushkë me 440 fishekë, 3 automjete, 15 celularë si dhe  sasi e konsiderueshme lekësh.

Gjithashtu në kuadër të këtij procedimi penal është shpallur në kërkim shtetasi E.H., 20 vjeç banues në Pogradec, i dyshuar për veprat penale “Prodhimi dhe mbajtja pa leje e armëve luftarake dhe e municionit” dhe ‘Prodhimi dhe shitja e narkotikëve”.

Aktualisht bijojnë hetimet për dokumentimin e plotë të veprimtarisë kriminale të këtyre shtetasve, si dhe identifikimin e bashkëpunëtorëve të tjerë të mundshëm. /a.y/noa.al

Superoperacioni i policisë së Elbasanit, kush janë 5 të arrestuarit nga “Porosia”