Presidenti Bujar Nishani komenton zërat e dalë ditëve të fundit se kreu i opozitës Lulzim Basha është kërcënuar dhe për këtë arsye, janë shtuar masat e sigurisë ndaj tij.

I ftuar në emisionin “Arena” mbrëmjen e djeshme, ai tha se ka shumë aktorë të cilët punojnë dhe synojnë dhe investohen për të destabilizuar Shqipërinë.

Sipas tij, siguria e liderit të opozitës është duke u konsideruar me seriozitet nga agjencitë kryesore ligjzbatuese në vend.

Pjesë nga intervista

Rritja e tensionit ka bërë që zotit Basha t’i rriten truprojat. Është e vërtetë që shefit të opozitës përveç presioneve institucionale ka edhe presione nga bota e krimit të organizuar? Keni informacion?

Siguria e aktorëve kryesor politik sidomos në situata shumë të tensionuara politike që mund të eskalojnë në tensione sociale, është një element shumë serioz. E dyta, asnjëherë nuk duhet të neglizhojmë faktin që nuk kemi vetëm miq, por ka edhe mjaft aktor të cilët punojnë dhe synojnë dhe investohen për të destabilizuar Shqipërinë, për të destabilizuar rajonin.

Kjo nuk do të thotë se ne nuk kemi institucione për të parandaluar mundësinë e këtyre tentativave dhe unë mund t’ju garantoj së pari këtë. Shqipëria i ka të gjitha institucionet, të cilat i kanë kapacitetet për të parandaluar çdo tentativë të destabilitetit të brendshëm që mund të vijnë nga aktorë të jashtëm. Duhet të mos neglizhojmë dhe të mos mendojmë që nuk ekzistojnë tentativa të tilla. Fakti i sigurisë të liderit të opozitës; mund t’ju them vetëm këtë, sepse nuk mund të hyj sot në detaje sepse është çështje shumë e ndjeshme, tashmë është duke u konsideruar dhe unë besoj do të konsiderohet me seriozitet nga agjencitë kryesore ligjzbatuese në vend.

Blendi Fevziu: "Kush e kërcënon Lulzim Bashën”

Është kërcënuar Basha? Reagon Garda: Pse u shtuan masat e sigurisë për kreun e PD