Transmetuar më 15-07-2019, 14:20
Policia e Tiranës, del me deklaratë lidhur me shpërthimin e ditës së sotme në zonën e ish-Bllokut.
Bëhet me dije se rreth orës 13:15 në rrugën “Vaso Pasha” në ambientet e një dyqani eventesh ku po fryheshin disa tollumbace, ka shpërthyer një bombol gazi.
Si pasojë e shpërthimit janë dëmtuar shtetasit S. P., A. P., E. N., dhe D.S., të cilët u dërguan në spital ku ndodhen nën kujdesin e mjekëve.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes.
Ndërkohë shpërthimi ka shkaktuar dëme të shumta edhe në bizneset përreth.
Në vendin e ngjarjes ka mbërritur shërbimi zjarrfikës dhe policia duke vënë situatën nën kontroll, teksa hetimet për ngjarjen janë në vijim. /a.y/noa.al