Transmetuar më 22-11-2026, 19:52

Korçë, 22 nëntor 2026 – Është zbardhur identiteti i personit që mbeti i plagosur me armë të ftohtë pasditen e kësaj të diele në afërsi të fshatit Nevicisht të Korçës, i cili është shtetasi Anxhelo Brisku. Pas transportimit me urgjencë në spitalin e Korçës, ku po merr ndihmën mjekësore për tre goditjet me thikë të marra në trup dhe ndodhet në gjendje të stabilizuar jashtë rrezikut për jetën, ai ka dhënë edhe dëshminë e tij paraprake për ngjarjen.

Sipas deklarimeve të vetë Briskut para hetuesve, ai është goditur nga disa persona të cilët pretendon se nuk i njeh, duke mos dhënë detaje të tjera mbi identitetin e tyre. Ende mbeten të paqarta shkaqet dhe motivet e këtij sulmi, ndërkohë që grupi hetimor vijon punën për verifikimin e dëshmisë, zbardhjen e plotë të rrethanave dhe identifikimin e autorëve të dyshuar.

Korçë/Informacion paraprak

Rreth orës 18:30, është paraqitur në spital për ndihmë mjekësore, jashtë rrezikut për jetën, shtetasi A. B., rreth 30 vjeç, i cili dyshohet se është dëmtuar me mjet prerës, në rrethana ende të paqarta, gjatë një konflikti të çastit, në rrugë, në fshatin Neviçisht.

Grupi hetimor, nën drejtimin e Prokurorisë, vijon punën për sqarimin e rrethanave të ngjarjes, identifikimin dhe kapjen e autorit/ëve.

Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.

Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit