

Buenos Aires, 18 nëntor 2026 – Lionel Messi mund të rikthehet sërish pranë përfaqësueses së Argjentinës në të ardhmen, por këtë herë jo në fushën e blertë si futbollist, por në një rol të ri si pjesë e stafit teknik të kombëtares. Skenarin e bujshëm që legjenda argjentinase t’i bashkohet ekipit të trajnerëve për Kupën e Botës 2030 e ka lënë plotësisht të hapur vetë përzgjedhësi i kampionëve të botës, Lionel Scaloni.
Në një prononcim të fundit për mediat, tekniku argjentinas u shpreh se shpreson që Messi ta zgjasë karrierën e tij aktive në klub sa më shumë të jetë e mundur, por theksoi se dyert e kombëtares mbeten gjithmonë të hapura për të në pankinë, veçanërisht pas ndryshimeve të pritshme në strukturën e stafit teknik. “Mendoj se ai do të vazhdojë të luajë përtej vitit 2030. Ai është tërhequr nga skuadra kombëtare, por shpresoj që të vazhdojë karrierën e tij si lojtar për aq kohë sa të jetë e mundur. Por tani që Walter Samuel po largohet, ai është gjithmonë i mirëpritur sa herë që të dëshirojë”, deklaroi Scaloni, duke ndezur entuziazmin e tifozëve argjentinas për një rikthim të kapitenit historik në një tjetër dimension.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd






