

KORÇË — Një nxënëse e një shkolle të mesme në qytetin e Korçës ka denoncuar mbrëmjen e djeshme në polici një mësues të shkollës 9-vjeçare “Sevasti Qirjazi”, duke pretenduar se e ka ngacmuar seksualisht.
Sipas informacioneve paraprake, ngjarja dyshohet se ka ndodhur rreth një muaj më parë, teksa 17-vjeçarja merrte pjesë në stërvitjen e volejbollit në palestrën e shkollës 9-vjeçare “Sevasti Qirjazi”, ku mësuesi jep mësim.
Në kallëzimin e bërë në komisariat, në prani të babait të saj dhe psikologes, e mitura ka deklaruar se mësuesi me iniciale E. C. ka kryer veprime me natyrë seksuale ndaj saj, duke e prekur në pjesë intime gjatë orës së stërvitjes.
Nga ana e Komisariatit të Policisë Korçë janë sekuestruar pamjet filmike të kamerave të sigurisë brenda palestrës dhe do të kryhet këqyrja e pajisjes DVR, me qëllim zbardhjen e plotë të rrethanave të ngjarjes.
Mësuesi është shoqëruar menjëherë në ambientet e komisariatit, ku në dëshminë e tij ka mohuar akuzat e ngritura ndaj tij. Në përfundim të veprimeve të para hetimore, ai është proceduar penalisht në gjendje të lirë, ndërsa materialet i kanë kaluar prokurorisë për hetime të mëtejshme.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd






