

Një zjarr i përmasave të mëdha ka rënë mbrëmjen e kësaj të hëne në një stan në fshatin Shtërmen, pjesë e Njësisë Administrative Gostimë në Bashkinë Cërrik.
Flakët kanë përfshirë me shpejtësi ambientet e stanit të dhenve, duke mobilizuar shërbimet e emergjencës në zonë.
Sipas të dhënave paraprake nga vendngjarja deri në këto momente nuk raportohet për dëme në gjënë e gjallë apo persona të lënduar.
Për shkak të intensitetit të zjarrit, efektivëve zjarrfikës të Cërrikut u kanë ardhur në ndihmë edhe ekipet e zjarrfikëses nga Elbasani, Gramshi dhe Belshi.
Vijon puna për të izoluar vatrën e zjarrit dhe për të parandaluar përhapjen e flakëve në zonat përreth. Ende nuk dihen shkaqet e zjarrit.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd






