Një operacion i gjerë kundër korrupsionit në Hungari ka zbuluar miliona euro të fshehura nën tokë, në pyje, ndërtesa bujqësore dhe banesa private. Autoritetet kanë sekuestruar para të gatshme me vlerë totale rreth 17,7 milionë euro, në kuadër të një hetimi që përfshin Miklós Seszták, ish-ministër i Zhvillimit në qeverinë e Viktor Orbánit.

Në publik është bërë edhe një video nga operacioni, ku shihen kërkimet për gjetjen e shumave të mëdha të parave që ishin fshehur në zona të ndryshme të vendit. Në disa raste, paratë janë nxjerrë nga toka me lopata.

Sipas materialit të publikuar, Seszták, i cili mbajti postin e ministrit të Zhvillimit nga viti 2014 deri në vitin 2018, akuzohet se ka marrë ryshfet në një çështje që lidhet me blerjen e autobusëve të përdorur nga kompania shtetërore e transportit në Hungari, me çmime të fryra.

Shërbimi Kombëtar për Rikuperimin dhe Mbrojtjen e Pasurive (NVVH), një strukturë kundër korrupsionit me kompetenca të gjera, e krijuar nga qeveria e re hungareze, njoftoi se kontrollet janë zhvilluar të enjten dhe të premten në disa vendndodhje, si pjesë e procedimit penal ndaj ish-ministrit.

“Gjatë kontrolleve u zbuluan shuma të konsiderueshme parash të gatshme, të groposura në pyje, të fshehura në ndërtesa bujqësore dhe magazina, si dhe në banesa private. Para u gjetën gjithashtu në një kasafortë me vlerë të lartë, të vendosur në një zonë të izoluar”, thuhet në njoftimin e autoriteteve.

Sipas të njëjtit njoftim, gjatë dy ditëve të kërkimeve janë zbuluar dhe sekuestruar 5.071.632.000 forinta hungareze, 2.658.350 euro dhe 1.257.100 dollarë amerikanë.

Shuma e përgjithshme e parave të gjetura, e llogaritur në euro, arrin në rreth 17,7 milionë euro.

Hetimi përqendrohet te dyshimet për korrupsion në procedurat e blerjes së autobusëve të përdorur, ndërsa pamjet e operacionit kanë tërhequr vëmendjen për mënyrën e pazakontë të fshehjes së shumave të mëdha të parave.

Hungary cracks down on Orbán-era corruption: former cabinet minister buried millions in forests Investigators suspect former Minister of National Development Miklós Seszták of taking bribes in connection with the awarding of government contracts. Nearly $20 million has been seized in the case. The money was buried in wooded areas and hidden in agricultural buildings, warehouses, residential properties and a secret safe. The confiscated funds have been transferred to the Hungarian State Treasury. Earlier, Viktor Orbán’s younger brother was also arrested in Hungary.

— NEXTA (@nexta_tv) November 14, 2026