PRISHTINË – Përfaqësuesja e Kosovës ka barazuar pa gola ndaj Izraelit, në ndeshjen e vlefshme për Ligën e Kombeve. Dardanët e nisën mirë sfidën duke lëshuar sinjale të qarta me anë të Edon Zhegrovës.

Gjërat ndryshuan në pjesën e dytë, teksa te ekipi i drejtuar nga përzgjedhësi Franco Foda, futbollisti Arbër Hoxha u ndëshkua me karton të kuq, duke lënë skuadrën me një lojtar më pak në fushë.

Pavarësisht kësaj vështirësie, ritmi vijoi të ishte i lartë, ndërsa rezultati mbeti i pandryshueshëm deri në fund të takimit. Pas këtij barazimi, Kosova renditet në vendin e dytë të grupit me 6 pikë të grumbulluara.