New York, 13 nëntor 2026 – Qyteti i New Yorkut është përfshirë nga zija pas shembjes së papritur të një ndërtese trekatëshe, ngjarje e rëndë që u mori jetën tetë personave, mes të cilëve prindër të rinj, punëtorë ndërtimi dhe dy fëmijë të mitur.

Pamjet e publikuara nga momenti i katastrofës dëshmojnë tmerrin e përjetuar brenda dhe jashtë godinës. Një video e regjistruar brenda një apartamenti fikson sekondat e fundit kur një djalë i vogël vrapon drejt nënës së tij teksa familjarët kuptojnë rrezikun, përpara se muri të shembet dhe regjistrimi të ndërpritet, ndërsa kamerat e sigurisë nga jashtë tregojnë rrëzimin e menjëhershëm të strukturës mes një reje të dendur pluhuri.

Mes tetë viktimave të identifikuara janë dy kushërinjtë e mitur Kevin Santiago Reyes Gonzalez (10 vjeç) dhe Nicole Daniela Rodriguez (9 vjeç), emigrantët e rinj ekuadorianë Jose Luis Caguana (26 vjeç) dhe Edgar Santiago Zapon (26 vjeç) – të dy baballarë të fëmijëve të vegjël – si dhe Gabriel Siguencia (22 vjeç), Mamadou Bari (23 vjeç), Juan Daniel Salvada Guzman dhe Diaye Mamadou (31 vjeç).

Lidhur me shkaqet e kësaj tragjedie, autoritetet amerikane po hetojnë nëse punimet e gërmimit në kantierin ngjitur, ku humbën jetën edhe dy prej punëtorëve të viktimizuar, kanë shkaktuar shembjen e godinës në drejtim të truallit të hapur. Pas ngjarjes, kryetari i bashkisë së New Yorkut, Zohran Mamdani, ka urdhëruar inspektimin urgjent të rreth 100 pronave të lidhura me pesë subjekte korporative të ndërtimit në qytet.

WATCH: Terrifying footage shows the moment Brooklyn building collapsed Wednesday, killing eight people and leaving several others in critical condition. pic.twitter.com/JXSA8998Fu

— Breaking911 (@Breaking911) November 12, 2026

Doorbell camera footage captured the moment a three-story building collapsed in Brooklyn’s Flatbush neighborhood on Wednesday, killing eight people, including two children, and injuring 18 others. pic.twitter.com/bDsocIE0cX

— CBS News (@CBSNews) November 13, 2026